Random

Tera khwaabo me yu aana,
mera chain kho jaana
bhookh pyaas ghum jaana
dil ka gaana woh gaana
dekho kitna puraana
sunlo taaro ka taraana
fir laye nazraana
mere pyaar ka khajaana
teri aankho ka nishaana
mera dil hua ghayal
tere pyaar me hai pagal
hua tujhpe wo kayal
baji jabse teri payal
teri aankhe aur kajal
jaise chaand aur badal
zulfo ka andhera
aur chehre ka savera
mera din meri raat
mere geet meri baat
sabme tu hai mere sang
gori rah gaya me dang
tera chandan sa ang
tu shama me patang

jal ke hai bataana
tujhse pyaar hai jataana
hotho ka silna
yu aankho se bataana
apne dil ka fasana
ab door nahi jaana
hua bahut tadpaana
nahi aur ab satana
ke tumko hai paana
jaaneman jaanejaana

Tere Bina

Latest Song. Didn’t feel like singing it. Had a heavy heart.

Tere bina hi yaha din hoga,
Tere bina hi raat hogi.
Aayegi fir teri yaadein,
Jaane kab baat hogi.

Tu yaha thi to thodi si roshnai thi,
Jharokhe se hokar jaise tajalli aayi thi.
Teri muskurahte meri saans ban gayi
Meri bhookh goom hue meri pyaas kho gayi.
Tu yaha thi to zindagi paas aayi thi,
Aur hume usko jeene me aas aayi thi.

Ab tere bina hi hogi subah,
Tere bina hi shaam hogi.
Gili karvato ki mehfil me,
Aahe saaqi aur aahe hi jaam hogi.

Tu nahi hai to aankh meri bhar aayi hai
Aur meri zubaan pe woh baat fir aayi hai.
Tujhe paa lenge ya tujh pe mar jayenge,
Tere pyaar me hum hudd se guzar jayenge
Tu  nahi hai to mehfil me muflisi chhayi hai,
Aur aaj fir teri yaadein yaad aayi hai.

Ab tere bina hi yaha din hoga,
Tere bina hi raat hogi.

Mausam

Fir wahi mausam aaya hai chaukhat par,
Baarish kabhi patjhad meri chaukhat par.

Kal hi to tha ki tumhe chhod aaye the hum,
Ab nazar aati ho tum mujhe har karvat par.

Kachchi-pakki neend tire khwaab me doobi,
Aur dil machalta hai mera halki si aahat par.

Aaina hasta hai mire chehre ki lakeero pe,
Meri Muntziri ke nishaan hai salvat par.

[incomplete]